Shërbimi 08
Komunikimi alternativ dhe augmentativ (AAC)
Komunikimi alternativ dhe augmentativ (AAC) përfshin të gjitha mënyrat që e plotësojnë ose e zëvendësojnë të folurin: gjestet dhe shenjat, figurat dhe simbolet, tabelat e komunikimit, si dhe pajisjet dhe aplikacionet që prodhojnë të folur.
AAC u jep individëve mundësinë t’i shprehin nevojat, zgjedhjet, mendimet dhe ndjenjat e tyre dhe të marrin pjesë më aktivisht në familje, në shkollë dhe në shoqëri. Hulumtimet shkencore nuk tregojnë se përdorimi i AAC e pengon zhvillimin e të folurit; përkundrazi, ai mund ta mbështesë komunikimin në tërësi.
Zgjedhja e sistemit bëhet pas një vlerësimi të kujdesshëm të aftësive, nevojave dhe mjedisit të individit. Familja dhe personat e afërt marrin pjesë në mësimin e sistemit, që komunikimi të bëhet pjesë e natyrshme e jetës së përditshme.
Për kë mund të jetë e dobishme
- Individë që nuk flasin ose flasin shumë pak
- Individë të cilëve të folurit u kuptohet me shumë vështirësi
- Fëmijë dhe të rritur me vështirësi të theksuara komunikimi
- Familje dhe mësimdhënës që mbështesin përdorimin e AAC
Si zhvillohet procesi
- 1
Vlerësim i aftësive dhe i nevojave komunikuese
- 2
Përzgjedhje e mjeteve dhe e strategjive të përshtatshme
- 3
Trajnim për individin, familjen dhe mjedisin
- 4
Rishikim i vazhdueshëm i sistemit sipas nevojave
Ky informacion ka karakter informues. Plani i ndërhyrjes dhe objektivat përcaktohen vetëm pas vlerësimit individual, dhe ecuria e secilit person është e ndryshme.
