Kalo te përmbajtja

Shërbimi 09

Çrregullimet e gëlltitjes

Vlerësim dhe mbështetje nga logopedë të kualifikuar për vështirësitë e gëlltitjes, me udhëzim ndërdisiplinor kur është e nevojshme.

Gëlltitja është proces kompleks që kërkon koordinim të saktë të muskujve të gojës, fytit dhe ezofagut. Vështirësitë në gëlltitje (disfagia) mund të shfaqen te fëmijët dhe te të rriturit, për shembull pas një insulti cerebral (goditjeje në tru), në sëmundje neurologjike ose në gjendje të tjera shëndetësore.

Shenjat mund të përfshijnë kollitje ose mbytje gjatë ngrënies apo pirjes, ndjesinë se ushqimi ngec, ngrënie shumë të ngadaltë, si dhe infeksione të përsëritura të frymëmarrjes. Këto shenja kërkojnë vëmendje profesionale, sepse ndikojnë në sigurinë, në ushqyerjen dhe në cilësinë e jetës.

Vlerësimi dhe ndërhyrja në këtë fushë kryhen nga logopedë me kualifikim të përshtatshëm, në bashkëpunim të ngushtë me mjekët dhe me profesionistët e tjerë. Kur nevojiten ekzaminime instrumentale ose trajtim mjekësor, individi udhëzohet te specialistët përkatës.

Për kë mund të jetë e dobishme

  • Të rritur me vështirësi gëlltitjeje pas gjendjeve neurologjike
  • Fëmijë me vështirësi në ngrënie, pirje dhe gëlltitje
  • Individë që kollitën ose mbyten shpesh gjatë ngrënies apo pirjes
  • Familje dhe kujdestarë që kërkojnë udhëzime për ushqyerje më të sigurt

Si zhvillohet procesi

  1. 1

    Bisedë për historinë shëndetësore dhe vështirësitë

  2. 2

    Vlerësim klinik i gëlltitjes nga logoped i kualifikuar

  3. 3

    Udhëzim ndërdisiplinor për ekzaminime të mëtejshme kur nevojitet

  4. 4

    Strategji dhe udhëzime për ushqyerje më të sigurt

Ky informacion ka karakter informues. Plani i ndërhyrjes dhe objektivat përcaktohen vetëm pas vlerësimit individual, dhe ecuria e secilit person është e ndryshme.

Shiko të gjitha shërbimet
  • Intervenimi i hershëm