Kalo te përmbajtja

Informacion ligjor

Politika e Privatësisë

Privatësia juaj është e rëndësishme për ne. Kjo politikë shpjegon se cilat të dhëna personale mbledhim përmes kësaj faqeje, pse i mbledhim, si i mbrojmë dhe cilat janë të drejtat tuaja.

Përditësuar së fundmi: 21 nëntor 2026

01Kush i përpunon të dhënat

Kontrollues i të dhënave personale është Ordinanca Lingua Med, me lokacione në Prishtinë dhe në Obiliq, Kosovë.

Për çdo pyetje në lidhje me të dhënat tuaja mund të na kontaktoni në ordinancalinguamed@gmail.com ose në numrin +383 49 355 019.

02Cilat të dhëna mbledhim

Mbledhim vetëm të dhënat që na i jepni vetë ose që janë të domosdoshme për funksionimin e sigurt të faqes:

  • Kërkesa për termin: emri dhe mbiemri, numri i telefonit, email adresa (opsionale), lokacioni i preferuar, lloji i shërbimit, data e preferuar dhe mesazhi juaj.
  • Buletini informues: email adresa dhe pëlqimi juaj për të marrë njoftime.
  • Komunikimi me ne: informatat që na i dërgoni me telefon, email ose WhatsApp.
  • Mbrojtja nga keqpërdorimi: një vlerë e koduar (hash) e adresës IP, që përdoret vetëm për të parandaluar mesazhet e padëshiruara dhe nuk ruhet si adresë e lexueshme.
  • Statistikat e vizitave: faqja përdor analitikë të integruar pa cookies, e cila mat vizitat në mënyrë të përgjithshme dhe të agreguar, pa ju identifikuar individualisht.

03Informatat shëndetësore

Ju lutemi mos dërgoni informata të ndjeshme shëndetësore përmes formularëve të faqes. Detajet që lidhen me shëndetin dhe me vështirësitë e komunikimit i diskutojmë në mënyrë konfidenciale gjatë kontaktit dhe të konsultimit profesional.

04Pse i përdorim të dhënat

  • Për t’iu përgjigjur kërkesës suaj dhe për t’ju kontaktuar për konfirmimin e terminit.
  • Për t’ju dërguar buletinin informues, vetëm nëse jeni abonuar dhe keni dhënë pëlqimin.
  • Për ta mbrojtur faqen dhe formularët nga keqpërdorimi dhe mesazhet e padëshiruara.
  • Për ta kuptuar në mënyrë të përgjithshme përdorimin e faqes dhe për ta përmirësuar atë.

05Baza ligjore

Të dhënat i përpunojmë në përputhje me Ligjin Nr. 06/L-082 për Mbrojtjen e të Dhënave Personale të Republikës së Kosovës, i cili është i harmonizuar me Rregulloren e Përgjithshme të BE-së për Mbrojtjen e të Dhënave (GDPR). Për kërkesat dhe për buletinin baza është pëlqimi juaj, ndërsa për sigurinë e faqes interesi ynë i ligjshëm për ta mbrojtur shërbimin.

06Ndarja me palë të treta

Nuk i shesim dhe nuk i japim me qira të dhënat tuaja. Ato mund të përpunohen nga ofruesit teknikë që na mundësojnë hostimin e faqes, ruajtjen e të dhënave dhe dërgimin e email-eve, vetëm në emrin tonë dhe për qëllimet e përshkruara këtu.

Email-et e buletinit mund të përfshijnë matjen e hapjeve dhe të klikimeve në nivel mesazhi, për të kuptuar se cilat tema janë më të dobishme. Përmbajtjet e jashtme, si videot nga YouTube, Vimeo ose Spotify dhe hartat nga Google Maps, ngarkohen vetëm pasi t’i hapni vetë.

07Sa kohë i ruajmë të dhënat

Kërkesat për termin i ruajmë vetëm për aq kohë sa është e nevojshme për trajtimin e tyre dhe për përmbushjen e detyrimeve ligjore. Të dhënat e abonimit i ruajmë derisa të çregjistroheni ose të kërkoni fshirjen e tyre.

08Të dhënat e fëmijëve

Kërkesat që lidhen me fëmijët duhet të dërgohen nga prindi ose kujdestari ligjor. Të dhënat e fëmijëve i trajtojmë me kujdes të veçantë dhe vetëm për qëllimin për të cilin janë dhënë.

09Të drejtat tuaja

Keni të drejtë të kërkoni qasje në të dhënat tuaja, korrigjimin ose fshirjen e tyre, kufizimin e përpunimit, si dhe ta tërheqni pëlqimin në çdo kohë. Për t’i ushtruar këto të drejta, na shkruani në ordinancalinguamed@gmail.com.

Nëse mendoni se të dhënat tuaja janë përpunuar në kundërshtim me ligjin, mund të paraqitni ankesë në Agjencinë për Informim dhe Privatësi (AIP) të Republikës së Kosovës.

10Siguria

Zbatojmë masa teknike dhe organizative për t’i mbrojtur të dhënat nga qasja e paautorizuar, humbja ose keqpërdorimi, përfshirë komunikimin e koduar me faqen dhe qasjen e kufizuar në të dhëna.

11Ndryshimet e kësaj politike

Kjo politikë mund të përditësohet herë pas here. Versioni aktual publikohet gjithmonë në këtë faqe, së bashku me datën e përditësimit të fundit. Shihni edhe Politikën e Cookies dhe Kushtet e Përdorimit.